1965 Indo-Pak war pualin cheng 5 thir

ZORAM TODAY | September 15-5 October, 2015

Reserve Bank of India (RBI) chuan kum 1965 India leh Pakistan indo champha vawi 50-na, Golden Jubilee pualin cheng 5 thir thar chu The Coinage Act 2011 dân tlawhchhanin a siam dawn.

He cheng 5 thir tharah hian saptawngin ‘VALOUR AND SACRIFICE’ tih chhut a ni ang a, hindi hawrawpin ‘Veerata Aur Balidan’ tih chhut a ni bawk ang. Hei bakah hian GOLDEN JUBILEE 1965 OPERATIONS tih chhut kai a ni dawn bawk.

Kum 1965 April thla atang khan Jammu & Kashmir inchuhin India leh Pakistan chu an indo va, he indona hi Indopui II-na hnua indonaa tank hman nasat ber tum a ni. Ni 17 hnuah USSR leh USA hmalaknain inkahhaina an nei zui a ni. He indonaah hian chak zawk awm lo mah se India chu chungnung zawka ngaih a ni.