Inzawm khawm kum 25 tlin lawm

October ni 3, 2015 khan Germany chuan communist East Germany leh capitalist West Germany inzawm khawm kum 25 (Silver Jubilee) tlin lawmna an nei. He hun lawm nan Germany chuan Brandenburg Gate kawtthlerah intihhlimna pui tham tak a huaihawt a ni.

Sumdawnna hmunpui Frankfurt-a lawmna hun buatsaihah Germany Chancellor Angela Merkel leh President Joachim Gauck te pawh an tel. Kum 1990-a East Germany leh Est Germany inzawm khawm lai khan Merkel hi East Germany lamah scientist a ni a, Gauck erawh chu pastor, pro-democracy activist a ni thung. Germany inzawm khawm hnuah, Germany hi Europe-a economic lama hmahruaitu-ah an chhuah ta a ni.

October ni 3, 1990 khan ram pahnihte hian inzawm khawmna thuthlung an siam a, hemi ni hi National Day atana hman nghal a ni. A hnu kum khat lawkah, kum 1961 ațanga 1989 thlenga ram pahnih khawpui communist East Berlin leh democratic West Berlin indaidanna bang, Berlin Wall chu tihchhiat a ni ta bawk.