IS chhuahsantu pung zel

IS mi leh sa tam tak, an pawl chhuahsan mek chu a ni tela an pun deuh deuh thu leh, an chhuahsan nachhan pawh chiang takin puanzar a ni.

England rama uiversity hmingthang tak pakhat King’s College-a mi thiamte chuan IS chhuahsantu mi 58-te observation an neihnaah, IS mi leh sa nih hahthlakzia an sawi a, eng vanga chhuahsan nge an nih pawh chiang takin an sawi bawk.

Mi thiamte tarlan danin, IS ațanga tlan chhuak mi 58-te’n an chhuahsan chhan chu, IS hruaitute inkaihhruai dan hi, Muslim sakhua zirtirna nen a inkalh vang a ni. IS hruaitu tam takte chu, eirukna lama thûk taka an inhnamhnawih avanga an chhuahsan thute leh, IS mi leh sa nih chu hausaknaa ngaiin IS-ah an inpe a, mahse an hmun an thlen meuh chuan pheikhawk takngial pawh inruksak duh khawpa rethei an nih avanga chhuahsan leh ta an nih thu London khawpuia King’s College mi thiamte chuan an sawi.

Mi 58 zinga mi pahnihte chu, IS te’n thihchilh bomb hmang tura an tih niin chu chu ngam lovin an chhuahsan a. Țhenkhat leh chu, IS an chhuahsan hnua kir lehna tur hre lova baihvaite an ni a, kir leh pawh ni se an thih dawn tho tho avanga sa himna tur zawnga tlanchhuakte an ni.

Mi zawng zawngin IS mi leh sa nih harsatzia leh hrehawmzia an hriat theih nan, IS zawm tumte’n an lo hriat atan tiin he thu hi an puangzar nia sawi a ni.