Puducherry CM-in Free Laptop Scheme tlangzarh

ZORAM TODAY | September 1-14, 2015
August ni 21, 2015 khan Puducherry Chief Minister N. Rangasamy chuan State Students’ Day hmannaah Free Laptop Scheme a tlangzarh. He scheme hmang hian academic session hnih kal ta, kum 2013-2014 leh kum 2014-2015 chhunga sawrkar sikul atanga HSSLC pass zawng zawng hnenah laptop a thlawna sem a ni ang.
Hemi tur hian laptop 11,100 zet sem ral a ngai dawn a, cheng vaibelchhe 20 sen ral a ngai dawn a ni. Chief Minister-in he scheme a tlangzarh rual hian, Plus Two Examination-a an sikula titha ber zirlai mi 180 hnenah laptop a hlan nghal a, National Talent Search Examination-a titha zirlai 10 hnenah cheng 5000 theuh a hlan bawk a ni.
Plus-two board examination-a khawpuia awm sawrkar school 100% result neite leh, thingtlang lama sawrkar school 90% result neite hnenah lawmman sem a ni bawk.