Olympic-ah infiamna thar telh dawn

July ni 31-August ni 3 chhunga Malaysia khawpui, Kuala Lumpur-a 128th International Olympic Committee (IOC) Session neihah IOC chuan infiamna chi khat ‘Frisbee’ chu Olympic-a telh thar turin a pawm. ‘Frisbee’ hi disc inthlawhsiak a ni a, kum 1960-70 atanga lar tan a ni.
World Flying Disc Federation (WFDF) president Robert Rauch chuan, “Hei hi kum 30 chhung WFDF history-a thil thleng pawimawh ber a ni,” a ti a, kum 1985 August thla atanga WFDF din a nih hnuah hei bakah anniversary lawmna thilpek ropui a la awm lo,” a ti bawk. IOC-in he infiamna a pawm avangin WFDF chuan sum leh pai lamah hlawkna tam tak an hmuh phah dawn bawk.