Haryana sawrkarin ‘Thari Pension, Thare Pass’ hmang tan

Haryana sawrkarin ‘Thari Pension, Thare Pass’ project a kalpui chu August ni 4, 2015 khan Chief Minister Manohar Lal Khattar chuan Chandigarh-ah a hawng. He project hi state sawrkar hnuaia Social Justice and Empowerment Department hnuaia kalpui niin Team Kalyankarini-in a kutken dawn a ni.
He project hnuaiah tar te, rualbanlo leh hmeithaite hnena pension hlawh an pek thin chu langtlang zawka kalpui a ni thei dawn a; a programme angin, beneficiary-te (tar, rualbanlo leh hmeithai) pension hlawh chu an account-ah thunsak zel a ni dawn a, a dawngtute’n online-in an account balance awm zat an en thei reng tawh dawn bawk. ‘Thari Pension, Thare Pass’ campaign nan July thlaa beneficiary-te pension hlawh cheng nuai 10 vel chu bank leh dak in kaltlangi an account-ah thun nghal tum a ni bawk.