Cheng 10 thirah ‘International Yoga Day’ lang tawh dawn

Reserve Bank of India (RBI) chuan kum tina July ni 21-a International Yoga Day hman a nih tur denchhenin cheng 10 thir thar a siam dawn a; a hmai lehlam lai takah Ashoka Pillar dahin, a hnuaiah ‘Satyameva Jayate’ dah a ni dawn a ni. A tlang sirah ‘Bharat’ tih chu Devnagri script-a dah a ni ang a, a tlang ding lamah ‘INDIA’ tih dah a ni dawn bawk. A pawisa zat Rs. 10 leh rupee symbol hi Lion Capital hnuaia dah a ni dawn a ni.
A hmai lehlamah hian ‘International Day of Yoga’ logo dah a ni ang a, ‘Samanjasya evam Shanti ke Liye Yog’ chu Devnagri script-a dah a ni bawk ang. Logo sir zei zeiah ‘YOGA FOR HARMONY AND PEACE’ tih thu inziak dahin logo hnuaiah ‘21 JUNE’ tih chu dah a ni dawn bawk. A tlang vei lamah hian Devnagri script-in ‘Antarrashtriya Yog Divas’ tih dah a ni dawn a, a tlang vei lamah ‘INTERNATIONAL DAY OF LOGO’ tih ziak dah a ni dawn bawk.