Dan siamtuin ualau takin dan bawhchhia!

ZORAM TODAY | October 20-2 November, 2015
Tute tan mai pawh dân bawhchhiat hi a  pawi a, a siamtute’n an bawhchhiat phei chuan mipui thîkthu a chhia a, a nghawng a tha lo lehzual. Vairengte thlang atang chuan duhna hmun hmuna beer in hi sual a ni lo va, Mizoram chhung a nih chiah hian sual a ni. Dânin mipui vantlang hmuha zu leh a kaihhnawih in a phal lo va, a hremna tur pawh a awm thlap nghe nghe.

He dân kan sawi, Mizoram Liquor Prohibition Control Act 2014 hian Anthurium Festival-ah ngaih pawimawh a hlawh lo hle a, chung zingah ngei chuan vantlang chung lama ngaih, Tourism Minister John Rotluangliana pawh a tel. 

“Khawi maw, han la teh u,” tiin a lam a, rang takin an pe a. A kheuh hawng a, a hmunah a in nghal. A velah mi tam tak an awm nghe nghe. Eng emaw zat chu a lam belh a, a bula mi pawimawh awmte tan a leisak zung zung a, an in a, hlim tak leh ring takin an nui huah huah a. Hlim teh mah se, dân bawhchhetu an ni tho tho.

Dan bawhchhetu dan siam, MLPC Act 2014 Section 42 (1) (b)-ah chuan, he danin license/permit a pek tel lo chuan ruihtheihthil (liquor) lei leh zawrh khap a ni, tih a awm [(1) No person, without licence, permit or pass under the Act, shall– (b) sell or buy liquor)]. Section 42 sub-section (2)-ah chuan phalna lova zu in khap a nih thu tarlan a ni (No person shall consume liquor except on a permit granted under the provisions of this Act or the rules made thereun-der, as the case may be). Section 42 sub-section (3)-ah vantlang hmuna zu in phal a nih loh thu a awm leh bawk (No person shall consume liquor in public place). Heng dân awm zawng zawng hi minister hian a bawhchhe fai vek a ni.

MLPC Act 2014, zu khuahkhirhna dân tha tak mai hi a bawhchhiate tan hremna a awm leh thlap a. A chunga tarlan dân bawhchhetute hremna chu minister hremna atan chuan dam chhunga hmingchhiatpuina tham a tling.

Section 43 (1): Section 42 sub-section (1) bawhchhetu chu thla 8 aia tlem lo lungin tantir theih a ni a, kum 5 thleng pawh sei theih a ni. Hei bakah cheng 5000 chawitir theih a ni a, cheng 10000 thlenga tihsan theih a ni bawk (Whoever contravenes the provisions of sub-section (1) of Section 42 of this Act shall, on conviction, be punished with imprisonment for a term of not less than six months which may extend to five years and also with fine of not less than five thousand rupees which may extend to ten thousand rupees).

Section 43 (2): Section 42 sub-section (2), (3), (4) leh (5) bawhchhiate chu thla khat chhung lungin tantir theih a ni a, kum hnih thleng pawhsei thei a ni bawk. A nih loh pawhin, cheng 1000 aia tlem lo chawitir theih a ni a, cheng 5000-ah tihsan theih a ni; a pahniha hrem kawp theih a ni bawk; vantlang hna (social work) thawk tura thlenga hrem theih an ni nghe nghe (Whoever in contravention of the provisions of Section 42 of this Act shall, on con-viction, be punished with imprisonment for a term of not less than one month which may extend to two years or with fine of not less than one thousand rupees which may extend to five thousand ru-pees, or with both. Provided that the trying magistrate may, after convicting the accused and in lieu of imprisonment and fine, pass order by which the convict is released and is compelled to do social work for not more than five working days under the supervision of the Excise & Narcotics officer or Police officer as per the terms and conditions as may be passed by the trial court in the order or pre-scribed in the rules. Provided further that if the convict absconds or violates the terms and conditions passed by the trial court in the order or the rules except on sufficient ground, he shall be liable to the sen-tence prescribed in this sub-section.)

Nikum daih tawh, July ni 11, 2014 khan Mizoram Legislative Assembly thutkhawmah Excise Minister R. Lalzirliana chuan Mizoram Liquor Total Prohibition Act 1995 thlakna tur bill, Mizoram Liquor Prohibition Control (MLPC) chu a pu lut a. Minister chuan, “Kan ram hi zuin a tihbuai loh state nih kan duh avangin MLTP Act hmangin tihrem kan tum a, kan hlawhchham a ni. Kan tihrem theih loh hi thununna hnuaia dah kan tum a ni,” a ti a, eptu lam chu vote lak laiin chhuak tau mah se, he bill hi pass tho a ni. A pass-tu zingah kan sawi Tourism Minister John Rotluangliana pawh a tel nghe nghe a ni.

Hetianga dân siamtute meuh pawhin ualau taka an dân siam an bawhchhiat si chuan, house-a thu pha lote tân phei chuan dân bawhchhiat a awl lehzual awm e.

2 thoughts on “Dan siamtuin ualau takin dan bawhchhia!”

Comments are closed.