Khuallian B. Lalchhanzova chuan thu sawiin, tute pawh hi mahni zawn theuhah vantlang tana tangkaina nei thei vek kan nih thu leh chanvo pawimawh tak kan neih thu a sawi a. A bik takin retailer-te chu sawrkarin an tanghma a ngai em em tih hria a, mipuite tana thahnemngai lehzual turin a fuih.

Chhanzova chuan, Sawrkarin TPDS chungchanga hma a laknate kalkhawmte hmaah hian sawi zauvin, ration card var hmangte tana buhfai KG-a Rs 30 ni tawh tur chuan Mizona thinlung chawk thovin, rualkhai leh felfai zawka an kal phah ngei a rin thu a sawi bawk a. TPDS beneficiary-te thliar fel dan tur chungchangah pawh sawrkarin ngaihtuahna nasa tak a sen mek thu a tarlang bawk a ni.

Hun hman hi  Zodingpuii, Secretary, FCS&CA Deparment chuan kaihruaiin program neih chhan a sawifiah a.  TPDS beneficiaries puala buatsaih Lehkhabu te chu tlangzarh nghal a ni a. Hemi zawh hian Saizikpuii, Director, FCS & CA chuan TPDS nihphung tlangpui presentation neiin, Victor Lalawmpuia, Deputy Director (G), FCS&CA pawhin, One Nation One Ration Card (ONOCR) leh Grievance Redressal chungchangah presentation a nei nghal bawk a. Sawm bikte hnen atanga thusawi tawi ngaihthlak a nih hnuin, Panel Member-te nena sawihona hun hman a ni.

He hun, 'Awareness Campaign on TPDS beneficiaries' hi TPDS hnuaia beneficiary-te chanvo leh an harsatna chhawk zangkhai dan kawnga inhrilhhriatna a nih angin, Retailer leh Local Council-te puala buatsaih a ni a. Hei bakah hian NGO hrang hrang leh Community-based Organisations (CBOs) aiawh thahnem tak an tel.