School Education department in School chawlh a puan chhan hi Disaster Management & Rehabilitation Department thurawn angin  khaw awmdan avanga fimkhur thila puang an nih thu tarlan a ni a. Chutihrualin, Zirna In chawlh puan na thupek hi social media ah zing dar 9 rik hma deuhin a darh chauh a, Aizawl khawpuia zirlaite chu hetih lai hian an school an thleng kim hman deuh vek nia hriat a ni.

Chawlh puan thu hi zirlai nu leh pa thenkhat chuan school compound thlen dawnah an hre chauh hlawm a, hei vang hian an fate thlah leh lam a ruala tih nghal a ngaih avangin Aizawl khawpui ah Traffic Jam a nasat phah hle a, chawhma dar 11 thleng khan harsatna a thlen phah.

Tunlai khaw awmdan avangin, Sorkarin mipuite fimkhur tura thuchhuah a neih reng lai a ni chunga, zirtirtute, zirlai nu leh pa te inhriattirna hun thawl awm reng laia Zirna In chawlh puan thut a nih vang hian zirlaite nikhat tiffin ei man, zirlaite school a thlah leh hruai hawna man ah sum thahnemtak luangral tura chhut a ni.

Vawiin thil thleng chungchang hi social media ah chai zui a hlawh nasa hle a. Nu leh pa tamtak chu Sorkar thil tihdan ah an lawmlo hle.