Lalrinpuii, Minister, Social Welfare, Tribal Affairs, Women & Child Development Department chu khuallian niin Cyclone Remal tuartu naupangte hnenah chhawmdawlna thilpek a hlan thu sorkar thuchhuah ah tarlan a ni.

Minister Lalrinpuii chuan thu sawiin,  Cyclone Remal avanga mi tam takin an in leh lo mai bakah nunna hial an chan leh chhungkaw thenkhatte Relief Camp-a an awm a ngaih phah chu pawi a tih thu te, khuarel chhiatna tuartu naupangte chu 'The Juvenile Justice (Care and Protection of Children) Act, 2015 chuan a bika enkawl leh venhim ngai (Children in need of care and Protection) a tihte zing ami an nih avangin ngaihpawimawh an ni, a ti. 

Minister chuan, Sawrkar atanga tanpuina awm ang angte hmanga tuamhlawm an nih tur thu leh heng tanpuinate hi tangkai tak leh hmasawn nana hmang tur leh chhelna leh beiseina nen hma hun thlir tlat turin a chah a. Khuarel chhiatna tuartu naupangte chhawmdawl leh tanpui chu sawrkarin a ngaih pawimawh thu Minister chuan sawi bawkin, thlipui Remal avanga chhawmdawl ngai naupang chhinchhiah 96 an awm mek thu a sawi a. Women & Child Development hmalaknain a tum khatna atan naupang 41-in tanpuina an dawng chu lawmawm a tih thu a sawi bawk.