Ex- Minister chuan, "Chhiah tih pun loh min tiamtute khan an sorkar meuh chuan chhiah an ti pung ta vak vak mai a. Kum khat chhungin leiman vawi 2-an khawn mek a,  kawng siamna tur pawh September ni 1, 2024 atang khan mipuiah Petrol/Diesel kan leina atangin min khawn mek bawk anih kha. Diesel leh Petrol atanga mipui kaltlanga an chhiah lak hian nasa takin thil man, Lirthei chuan man a nghawng dawn a ni," a ti.

MNF Treasurer chuan, " December ni 8, 2023 atangin ZPM sorkar hian thuneihna an chang a nih kha, kan kawngte hi fur ruah kan dawn nasat thin avangin working season apiang deuh thawin thawmthat a ngai kumtin thin a ni. Mahse Sorkar thar chuan working season chhungin Vantlang kawng siamthat chu a ngaihthah avangin vawiin kan dinhmun chu alo ni zo ta a ni," a ti bawk.

"MNF sorkar laia kawng hi an siam a ni, an ti a. A dik. MNF sorkar khan kawng nasa takin a siam ṭhin a, kan kawng pawh a ṭha ṭhin. Hun a lokal deuh a, Traffic heavy lutuk avangin kan kawng siamte chu kum tin danin repair a ngai thin a ni. ZPM sorkar hian kawng siam ve chu sawi loh mi kawng siam sa pawh repair thei lo kalphung thar kan nei hi a vanduaithlak hle a ni" a ti a.

"ZPM sorkar ve leha PWD hna hmasa ber chu Chief Minister In Chawlhhmun ami kawtlai chu Cement Concrete a siam te, PWD Minister Kawtlai Sorkar sum hmanga siam nghal a ni. An mahni in ngai pawimawh lo khan mipui tan tiin kan kawngpuite hi lo ngai pawimawh hmasa zawk se vawiin dinhmun hi kan thleng lo tur a ni" Lalruatkima chuan a ti.

"Lirthei khalhtu ten kawng khuar dai hlau a, Kawngtha lai an zawnna khawpuiah hian Traffic a jam nasat phah a. School naupang ten School an tlai phah nasa a. Traffic Police te an hah phah em em bawk a ni. Vawiinah hian mawhphurtu PWD Minister hi abo nge? Hmalak ngaihna a hre lo zawk ? Hnatlangin kan zawn a ngaih palh ava hlauhawm ve le?" a ti a.

"Zoramin ruahsur nasa avanga chhiatna hrang hrang kan tawh lai mek Chief Minister ber chu Sap ram ah nuam a tawl mek niin mipui in kan hria a, Sap ram ah a lam zuk zuk mai bawk si anih kha."

"Vawiin a kan ram dinhmun khan thlir hian lung a awi mawlh lo a ni. Chuvang chuan ZPM sorkar hian Bangladesh of the East amin chhuah hma ngei hian Sorkar hi in enlet se, a rang thei ang berin Kawng siam hna hi thawk turin kan phut tlat a ni. Kawng hi tawngkam thiamna hmanga sawi mam theih a ni lo tih hi he Sorkar hian lo hre mawlh teh se," MNF Treasurer chuan a ti bawk.