Hetiang boruak hi Mizoram ah thil thleng ngai lo a ni a, a vawi khat thlenna a ni hial ang. Thil thleng chungchangah Commerce & Industries Director, Maria CT Zuali, IAS chuan social media(whatsaap) ah sawi fiahna angreng deuh vawiin August ni 26, 2025 khan a tarlang a, social media ah a darh nasa hle. He a thu ziah hi mi thenkhat chuan amah anih an rinloh thute an sawi bawk a. Zoram Today chuan thu darhte ama ziah anih leh niloh a chhui chiang.

Social Media lama Industries Director thuziah darhte a ngai ngaiin Zoram Today chuan a rawn dah chhuak- "Thiante u, Industry Deptt Puanthui khawl sem thin kha, kal Phùng thar - Business Reforms Action Plan, Ease of Doing Business, Single Window Clearance, Logistic Policy leh a ken tel - Inland Container Depot, Airfreight Container Depot, WareHouse, Industry 4:0 (AI, Internet of Things, Machine Learning) te a rawn chhuak a, Investments te, Special Evonomic Zones te, heng hna han thawk tur hian kan Industry recruitment fuhlo nen -Invest India, Niti Ayog, DONER te an rawn pro-active bawk si- ka naute hian heng initiative hi an zo lo a ni ber e.."

"Nia, khita Reforms ho khi chu kalpui chhoh reng a, Deptt 13 - Revenue, P&E, PHE, Taxation, PWD, MPCB , EF&SS, LESDE, RD, UDPA, AMC, etc business or industry din tur te tan a, permission a hrang hrang a dawr lo a, single window clearance lak theih tur hi kal pui mek niin, Logistic master plan leh Industry 4:0 ah enge kan hmalakna tur VC te hi a awm reng si. Ministry 4 kan interlink pui bawk a, kan schemes te credit linkages a ni deuh vek a, Bank te nen dialogue neih reng a ngai a, ka officer leh staff te ka push reng a, mi chu an ning viau maithei.."

"Industry ah hian EO (Level 6) in kan in recruit a, kum 10 vel hnu ah PO (level 8) an kai a, kum 10 vel hnu ah AD an kai thei chauh thin a, kum 20 chuang non-gazette ah an lo awm tawh hnu leh training regulation nei bawk si lo chu, bil ve tak mai an ni a. EO hi abolish a, PO RR siam that leh Assistant Director a direct a luh ve theih dan tur te restructuring kan buaipui mek a, Self employment leh livelihood hi thil pawimawh tawp khawk a ni si. Change pawh hi a duh meuhlo niin a lang. Kal dan ngai te kha an la lunglen a ni ang..," tiin.

Commerce & Industries staff te hian Minister hnena an thu thlen-ah an Director thawhpui theiloh chhan chiang takin an tarlang lem lo niin a lang a, a chhan niawm thenkhatte Director in a tarlang ta a ni.